கோஹ்லியை நீங்கள் சீண்டாதீர்கள் என்று... எத்தனை முறை சொன்னாலும் கேட்கமாட்றீங்க: வெஸ்ட் இண்டீஸ் பவுலர்களை கலாய்த்த அமிதாப்

மும்பை: இந்தியாவில் சுற்றுப்பயணம் மேற்கொண்டுள்ள வெஸ்ட் இண்டீஸ் அணி மூன்று டி20, மூன்று ஒரு நாள் போட்டிகளில் விளையாடுகிறது. இதன்படி, முதலாவது டி20 கிரிக்கெட் போட்டி ஐதராபாத்தில் நடந்தது. டாஸ் வென்ற இந்திய அணி கேப்டன் கோஹ்லி பந்துவீச்சை தேர்வு செய்தார். அதன்படி, பேட்டிங்கை தொடங்கிய வெஸ்ட் இண்டீஸ் அணி 20 ஓவர்கள் முடிவில் ஐந்து விக்கெட்டுகள் இழப்பிற்கு 207 ரன்கள் எடுத்து, கடினமான இலக்கை இந்திய அணிக்கு நிர்ணயித்தது. விராட் கோஹ்லி இந்தப் போட்டியில் ஆட்டமிழக்காமல் 94 ரன்கள் எடுத்து அணியை வெற்றிப் பாதைக்கு அழைத்துச் சென்றார். 18.4 ஓவர்களில் 4 விக்கெட் மட்டுமே இழந்து இந்திய அணி அபார வெற்றிபெற்றது.

இப்போட்டியின்போது வெஸ்ட் இண்டீஸ் வீரர் வில்லியம்ஸ் ஓவரில், பவுண்டரி விளாசிய கோஹ்லி அதனைக் கொண்டாடும்விதமாக இதனை ‘நோட்ஸ் எடுத்துக்கோங்க’ என்ற ஸ்டைலில் அவர்களைக் கலாய்த்தார். இந்தக் காணொலி சமூக வலைதளங்களில் வைரலானது. ‘திருப்பி அடிக்குறதுல கோஹ்லிக்கு நிகர் கோஹ்லிதான்’ என நெட்டிசன்கள் அவரைக் கொண்டாடினர். இதனிடையே, கோஹ்லியின் அசுரத்தனமான ஆட்டம் குறித்து பிரபல பாலிவுட் நடிகர் அமிதாப் பச்சன் அவருடைய ட்விட்டர் பக்கத்தில் ட்வீட் ஒன்றை பதிவிட்டுள்ளார். அதில், ‘நான் எத்தனையோ முறை சொல்லிவிட்டேன். கோஹ்லியை நீங்கள் சீண்டாதீர்கள் என்று, ஆனால் நீங்கள் கேட்பதில்லை.

அதன் விளைவை கோஹ்லியின் ஆட்டத்தில் பார்க்க முடிந்தது. வெஸ்ட் இண்டீஸ் பந்துவீச்சாளர்களின் முகங்களை பார்த்தாலே கோஹ்லி அவர்களை எவ்வாறு சிதறடிக்கிறார் என்பது தெரிகிறது’ என்று பதிவிட்டுள்ளார். அமிதாப்பின் இந்தப் பதிவிற்கு பதிலளித்துள்ள விராட் கோஹ்லி, ‘தங்களின் இந்த வசனம் எனக்குப் பிடித்திருக்கிறது. நீங்கள் என்றுமே எனக்கு ஒரு உந்துசக்தி’ எனக் குறிப்பிட்டுள்ளார். சாதாரணமாக பிரபலங்களை ட்விட்டை கொண்டாடும் இணையவாசிகள், அமிதாப், விராட் கோஹ்லியின் இந்த ட்விட்களை அதிகமாக லைக், ரீ-ட்வீட் செய்து வருகின்றனர்.

Tags : Amitabh kalaytta ,West Indies ,bowlers ,Kohli ,bowler ,Kohli cintatirkal ketkamatrinka , Kohli, West Indies Bowler, Amitabh
× RELATED மும்பை அபார பந்துவீச்சு முதல் இன்னிங்சில் தமிழகம் திணறல்