கோபி: பிட்காயின் (கிரிப்டோ கரன்சி) எனப்படும் பணமில்லா பரிவர்த்தனைக்குமத்திய அரசு தடை விதித்துள்ளது. இந்நிலையில் திருப்பூர் மாவட்டம், உடுமலையை சேர்ந்தவர் ராஜதுரை. இவரது மனைவி ஸ்வேதா, நண்பர் வேலுச்சாமி, மதுரையை சேர்ந்த ராஜ்குமார், திருச்சியை சேர்ந்த குட்டி மணி ஆகியோர் கடந்த மார்ச் மாதம் ஈரோடு மாவட்டம் கோபியை சேர்ந்த கங்காதரன் என்பவரை சந்தித்து ஆன்லைன் மூலம் வீட்டு உபயோக பொருட்கள் விற்பனை செய்வதாகவும், அதில் 2.80 லட்சம் முதலீடு செய்தால் மாதம்தோறும் 20 ஆயிரம் வரை கமிஷன் கொடுப்பதாகவும் கூறி உள்ளனர்.
இதை நம்பிய கங்காதரன் அவர்களிடம் 2.80 லட்சம் கொடுத்துள்ளார். முதல் நான்கு மாதங்கள் கமிஷன் தொகை கொடுத்தவர்கள் அதன்பின்னர் தரவில்லை. இதனால் கங்காதரன் நிறுவனம் குறித்து விசாரித்தபோது, முதலீட்டாளர்களிடம் பெற்ற பணத்தைதடை செய்யப்பட்ட ‘பிட்காயின்’ பரிவர்த்தனையில் முதலீடு செய்து அரசை ஏமாற்றியது தெரியவந்தது.