வால்பாறை: வால்பாறை அருகேயுள்ள பெரிய கள்ளார் எஸ்டேட்டில் இருந்து வால்பாறைக்கு இன்று காலை வந்த அரசு பேருந்து முன்பு ஓடி வந்த காட்டு யானையால் பேருந்திலிருந்த பயணிகள் பீதியடைந்தனர். கோவை மாவட்டம் வால்பாறை அருகேயுள்ள பெரியகள்ளர் எஸ்டேட்டில் இருந்து இன்று காலை ஏழு முப்பது மணியளவில் வால்பாறை நோக்கி அரசு பேருந்து வந்து கொண்டிருந்தது. அதில் பள்ளி, கல்லூரி மாணவ, மாணவிகள் மற்றும் தொழிலாளர்கள் பலர் பயணித்தனர். பேருந்து அங்குள்ள வனப்பகுதி வழியாக வரும் பொழுது எதிரே காட்டு யானை கூட்டம் வந்தது. பேருந்தை கண்ட யானைகள் விலகி சென்றன.