சென்னை: திமுக அமைப்பு செயலாளர் ஆர்.எஸ்.பாரதி தமிழக போலீஸ் டிஜிபி, மாநில தேர்தல் ஆணையத்தில் புகார் மனு ஒன்றை அளித்தார். தொடர்ந்து ஆர்.எஸ்.பாரதி அளித்த பேட்டி: உள்ளாட்சி தேர்தல் தொடர்பாக திருவில்லிப்புத்தூரில் நடந்த அதிமுக நிர்வாகிகள் கூட்டத்தில் அமைச்சர் ராஜேந்திர பாலாஜி, திமுகவை சார்ந்தவர்கள் உங்களிடம் ஓட்டு கேட்க வேண்டும் என்று வந்தால், வீடு புகுந்து அடியுங்கள். அவர்களை நைய புடையுங்கள், தாக்குங்கள், எது வந்தாலும் நான் பார்த்து கொள்கிறேன். நான் 16 வயதில் இருந்து பல்வேறு குற்ற வழக்குகளை பார்த்தவன்என ஒப்புதல் வாக்குமூலம் அளித்திருக்கிறார். தற்போது உள்ளாட்சி தேர்தல் முறையாக நடைபெறாது என்று ஒரு அமைச்சரே ஒத்துக்கொண்டிருக்கிறார். அமைச்சர் பேசிய பேச்சுக்கு முதல்வர், அதிமுக இணை ஒருங்கிணைப்பாளராக இருக்கிற எடப்பாடி பழனிசாமியும் கண்டனம் தெரிவிக்கவில்லை.