இளம்பிள்ளை: சென்னையிலிருந்து, கேரள மாநிலம் திருவனந்தபுரத்திற்கு ஆம்னி பஸ் ஒன்று நேற்று முன்தினம் இரவு கிளம்பியது. இந்த பஸ்சை, விருதுநகர் மாவட்டம் குன்னூரை சேர்ந்த பாஸ்கரன் (40) என்பவர் ஓட்டிவந்தார். இந்த பஸ் நேற்று அதிகாலை 2 மணியளவில், சேலம் மாவட்டம் மகுடஞ்சாவடி அருகே வந்தது. ஆ.தாழையூர் மேட்டு முனியப்பன் கோயில் பகுதியில் வந்த போது, டிரைவர் பாஸ்கரன் தூக்க கலக்கத்தில் இருந்துள்ளார். இதனால் திடீரென அவரது கட்டுப்பாட்டை இழந்து தாறுமாறாக ஓடிய பஸ், 10 அடி பள்ளத்தில் எதிர்புறம் உள்ள சாலையில் புகுந்தது. அப்போது ஈரோட்டில் இருந்து சேலம் வந்த தனியார் பஸ் மீது, ஆம்னி பஸ் வேகமாக மோதியது. இதில் தனியார் பஸ்சின் பின்னால் வந்த மினிவேனும் அதன் மீது மோதி விபத்துக்குள்ளானது.