வாஷிங்டன்: நாசா தனது நிலவு பயணத்தில் பங்கேற்கும் விண்வெளி வீரர்களுக்கான 2 நவீன விண்வெளி உடைகளை அறிமுகப்படுத்தியுள்ளது. அமெரிக்கா வரும் 2024ம் ஆண்டு விண்வெளி வீரர்களை மீண்டும் நிலவுக்கு அனுப்பும் நடவடிக்கையை மேற்கொண்டுள்ளது. தொடர்ந்து, விண்வெளி வீரர்கள் ஆய்வு மேற்கொள்ளும் போது அணிய சிறப்பம்சம் வாய்ந்த இரு விண்வெளி உடைகள் வடிவமைக்கப்பட்டுள்ளது. அதற்காக வடிவமைக்கப்பட்ட உடைகளில் ஒன்று நிலவின் தென்துருவத்தில் விண்வெளி வீரர்கள் ஆய்வு மேற்கொள்ளும் போது அவர்கள் எளிதாக அதிகபட்ச அசைவுகளை மேற்கொள்ளும் வகையிலும், எளிதான கைகள் உள்ளிட்ட உடல் இயக்கத்துக்கு வழிவகுக்கும் வகையிலும் வடிவமைக்கப்பட்டுள்ளது.