ஜெய்பூர்: விஜய் ஹசாரே டிராபி ஒருநாள் கிரிக்கெட் போட்டித் தொடரின் சி பிரிவில் முதலிடம் பிடிக்க தமிழகம் - குஜராத் அணிகள் இன்று பலப்பரீட்சையில் இறங்குகின்றன. சி பிரிவில் மொத்தம் 10 அணிகள் தங்களுக்குள் தலா ஒரு முறை லீக் ஆட்டங்களில் விளையாடி வருகின்றன. தமிழகம், குஜராத் அணிகள் இதுவரை விளையாடி உள்ள 8 லீக் ஆட்டத்திலும் தொடர்ச்சியாக வென்று தலா 32 புள்ளிகளுடன் முன்னிலை வகிக்கின்றன. மொத்த ரன் ரேட் அடிப்படையில் தமிழக அணி (1.908) முதலிடத்திலும், குஜராத் (1.666) 2வது இடத்திலும் உள்ளன. இதே பிரிவில் பெங்கால் (20 புள்ளி), சர்வீசஸ் (20), ஜம்மு காஷ்மீர் (16) அணிகள் டாப் 5ல் இடம் பெற்றுள்ள நிலையில் திரிபுரா (12), ரயில்வேஸ் (12), ராஜஸ்தான் (10), மத்தியப் பிரதேசம் (10), பீகார் (0) அணிகள் பின்தங்கியுள்ளன. இந்த நிலையில், தமிழக அணி தனது கடைசி லீக் ஆட்டத்தில் இன்று குஜராத் அணியை சந்திக்கிறது.