ஸ்ரீநகர்: ஜம்மு காஷ்மீரில் தேசிய நெடுஞ்சாலையில் தீவிரவாதிகள் தாக்குதல் நடத்தலாம் என்று உளவுத்துறை எச்சரிக்கை விடுத்துள்ளது. இதுகுறித்து உளவுத்துறை விடுத்துள்ள எச்சரிக்கை அறிவிப்பில் ஜம்மு-ஸ்ரீநகர் தேசிய நெடுஞ்சாலையில் தீவிரவாதிகள் தாக்குதல் நடத்த திட்டமிட்டுள்ளதாக தெரிவித்துள்ளது. மேலும் அந்த நெடுஞ்சாலையில் செல்லும் அரசு வாகனங்களை கடத்தி அதன் மூலம் தற்கொலைப்படை தாக்குதல் நடத்த வாய்ப்பு இருப்பதாகவும் அந்த எச்சரிக்கையில் கூறப்பட்டுள்ளது. புல்வாமா தாக்குதலை தொடர்ந்து தீவிரவாதிகளின் அடுத்த எண்ணம் கார்குண்டுகள் மூலம் பாதுகாப்பு படையினர் மீது தாக்குதலாக இருக்கலாம் என்று தெரிவிக்கப்பட்டுள்ளது.