நூர் சுல்தான்: உலக மல்யுத்த சாம்பியன்ஷிப் தொடரின் ஆண்கள் 86 கிலோ பிரீஸ்டைல் பிரிவு பைனலில் காயம் காரணமாக விலக நேரிட்டதால் இந்திய வீரர் தீபக் பூனியா வெள்ளிப் பதக்கத்துடன் திருப்தி அடைந்தார். கஜகஸ்தானில் நடைபெற்று வரும் இந்த தொடரின் இறுதிப் போட்டியில், 2016 ரியோ ஒலிம்பிக்சில் தங்கப் பதக்கம் வென்ற ஈரான் வீரர் ஹாசன் யாஸ்தானிசராட்டியுடன் மோதவிருந்த நிலையில், துரதிர்ஷ்டவசமாக தீபக் பூனியா காயத்தால் விலக நேரிட்டது. இதையடுத்து ஹாசன் தங்கப் பதக்கத்தை தட்டிச் சென்றார்.