உலக கோப்பை ரக்பி போட்டித் தொடர் ஜப்பான் தலைநகர் டோக்கியோவில் நேற்று தொடங்கியது. இந்த போட்டியில் கனடா, ஜப்பான், ரஷ்யா, தென் ஆப்ரிக்கா, நியூசிலாந்து, இத்தாலி, அர்ஜென்டினா, இங்கிலாந்து, அமெரிக்கா உட்பட 20 நாடுகள் பங்கேற்கின்றன. தலா 5 அணிகள் கொண்ட 4 பிரிவுகளாக போட்டிகள் நடத்தப்படுகின்றன. மொத்தம் 48 போட்டிகள் 12 இடங்களில் நடக்கின்றன. இறுதிப் போட்டி நவ. 2ம் தேதி நடைபெறும். உலக கோப்பை ரக்பி போட்டிகளை ஒளிபரப்பும் உரிமையை சோனி பிக்சர்ஸ் நெட்வொர்க் பெற்றுள்ளது. சோனி டென் 2 சேனலில் பார்த்து ரசிக்கலாம்.