திருச்சுழி: திருச்சுழி அருகே பள்ளிக்குச் செல்லும் சாலையை சீரமைக்க பொதுமக்கள் வலியுறுத்தியுள்ளனர். திருச்சுழி அருகே உள்ள பிள்ளையார் தொட்டியாங்குளத்தில் சுமார் 700க்கும் மேற்பட்ட குடும்பங்கள் வசித்து வருகின்றன. இங்கு தொடக்கப்பள்ளி மற்றும் உயர்நிலைப்பள்ளி உள்ளது. கிராமத்தில் இட வசதியின்றி பிள்ளையார் தொட்டியாங்குளத்திலிருந்து கிருஷ்ணாபுரம் செல்லும் சாலையில் சுமார் ஒரு கி.மீ. தொலைவில் பள்ளி அமைந்துள்ளது. இப்பள்ளியில் எர்ராம்பட்டி, பி.எம்.புதுப்பட்டி, கிருஷ்ணாபுரம், பண்ணை மூன்றடைப்பு உட்பட பல கிராமங்களிலிருந்து சுமார் 200க்கும் மேற்பட்ட மாணவ, மாணவிகள் படிப்பதற்காக டூவீலரில் வருகின்றனர்.