சென்னை: ஜிஎஸ்டி மூலம் தமிழக வணிகவரித்துறைக்கு வருவாய் அதிகரித்துள்ளதா என்பது தொடர்பாக அமைச்சர் கே.சி.வீரமணி விளக்கம் அளித்துள்ளார். வணிக வரித்துறை சிறப்பாக செயல்பட்டமைக்கு நல் ஆளுமை விருது சுதந்திர தின விழாவில் தமிழக அரசு சார்பில் வழங்கப்பட்டது. இதற்கான பாராட்டு நிகழ்ச்சி நுங்கம்பாக்கத்தில் உள்ள வணிக வரித்துறை அலுவலகத்தில் அமைச்சர் கே.சி.வீரமணி தலைமையில் நடந்தது. இதில் சிறப்பாக பணியாற்றிய 72 பேருக்கு பரிசுகளையும், சான்றிதழ்களையும் அமைச்சர் வழங்கினார். அப்போது, அமைச்சர் கே.சி.வீரமணி பேசியதாவது:
ஜிஎஸ்டி அமைத்ததற்கு பின் தமிழகத்தில் வரி வருவாய் அதிகரித்துள்ளது. தமிழக அரசின் வரி வருவாய் இலக்கை விட அதிகமாக எட்டியுள்ளது. வருவாய் ஈட்டுவதில் நாட்டில் 2வது இடத்தில் தமிழகம் உள்ளது.