சென்னை: மாநில அளவிலான ஹாக்கி போட்டியில் வருமானவரித்துறை அணி சாம்பியன் பட்டம் வென்றது. சென்னை வருமான வரித்துறை மனமகிழ் மன்றம் சார்பில் முதலாவது மாநில அளவிலான ஹாக்கி போட்டி, சென்னை எழும்பூரில் உள்ள ஹாக்கி அரங்கில் நடைபெற்றது. செப். 12 தேதி தொடங்கிய இந்தப் போட்டியில் மொத்தம் ஐசிஎப், இந்தியன் வங்கி, கலால், ஏஜிஎஸ், தமிழக காவல் துறை உட்பட மொத்தம் 12 அணிகள் பங்கேற்றன. நேற்று நடைபெற்ற இறுதிப் போட்டியில் வருமானவரித்துறை - கோவில்பட்டி எஸ்டிஏடி அணிகள் மோதின. இதில் வருமான வரித்துறை அணி 2 - 1 என்ற கோல் கணக்கில் வெற்றி பெற்று சாம்பியன் பட்டத்தை தட்டிச் சென்றது.