சென்னை: செப்டம்பர் 1ம் தேதி நடைபெறவுள்ள குரூப் 4 தேர்வுக்கான ஹால் டிக்கெட்டை இணையதளம் மூலம் பதிவிறக்கம் செய்து கொள்ளலாம் என்று டிஎன்பிஎஸ்சி அறிவித்துள்ளது. இது தொடர்பாக தேர்வு கட்டுப்பாட்டு அலுவலர் வெளியிட்டுள்ள அறிக்கை: 6491 காலிப்பணியிடங்களை நிரப்பு அறிவிப்பாணை கடந்த ஜூலை மாதம் வெளியிடப்பட்டது. இதற்கான எழுத்து தேர்வு வரும் செப்டம்பர் 1ம் தேதி காலை 301 மையங்களிலும் நடைபெற உள்ளது. இத்தேர்வுக்காக 16.30 லட்சத்திற்கும் மேற்பட்டவர்கள் விண்ணப்பங்களை சமர்பித்துள்ளனர். இவர்களுக்கான ஹால் டிக்கெட் www.tnpscexams.net, www.tnpscexams.in என்ற இணையதளங்களில் வெளியிடப்பட்டுள்ளது. விண்ணப்பதாரர்கள் தங்களது விண்ணப்ப எண் அல்லது பயனாளர் எண் மற்றும் பிறந்த தேதியினை அளித்து பதிவிறக்கம் செய்து கொள்ளலாம். மேலும் விண்ணப்பம் நிராகரிப்புக்கான காரணத்தை தெரிந்துகொள்ளலாம்.