சென்னை: சென்னை வேப்பேரி மின்வாரிய உதவி செயற்பொறியாளர் அலுவலகத்தில் திடீரென தீ விபத்து ஏற்பட்டது. இந்த விபத்தில் உதவி பொறியாளர் உள்ளிட்ட 3 பேருக்கு பலத்த தீக்காயம் ஏற்பட்டது. வியாசர்பாடி துணை மின் நிலையத்தில் இருந்து சென்னை வேப்பேரியில் காவல் ஆணையர் அலுவலகம் எதிரே மின்வாரிய உதவி செயற்பொறியாளர் அலுவலகம் அமைந்திருக்கிறது. அங்கிருந்து வேப்பேரி, பெரியமேடு மற்றும் பூந்தமல்லி உள்ளிட்ட இடங்களுக்கு மின் விநியோகம் செய்யப்பட்டு வருகிறது. இந்த நிலையில் வேப்பேரி மின்வாரிய உதவி செயற்பொறியாளர் அலுவலகத்தில் மின் பகிர்மான பெட்டியில் பராமரிப்பு பணி நடைபெற்றதாகவும், பின்னர் உதவி பொறியாளர் சுரேஷ், ஊழியர்கள் லாரன்ஸ், பரணி ஆகியோர் அதனை செயல்பாட்டிற்கு கொண்டு வர முயன்றதாகவும் கூறப்படுகிறது.