புதுடெல்லி: பிரதமர் மோடி பிரான்ஸ், ஐக்கிய அரபு அமீரகம், பக்ரைன் ஆகிய 3 நாடுகளுக்கு சுற்றுப்பயணம் மேற்கொள்ள உள்ளார். பிரதமர் நரேந்திர மோடி இரண்டாவது முறையாக பிரதமராக பதவி ஏற்ற பின் மாலத்தீவு, இலங்கை, பூடான் நாடுகளுக்கு அரசு முறை பயணமாகவும், எஸ்சிஓ மாநாட்டில் பங்கேற்க கிர்கிஸ்தான் மற்றும் ஜி20 மாநாட்டில் பங்கேற்க ஜப்பானுக்கு சென்று வந்துள்ளார். இதைத் தொடர்ந்து, தற்போது பிரான்ஸ், ஐக்கிய அரபு அமீரகம், பக்ரைன் நாடுகளுக்கும் அவர் பயணம் மேற்கொள்ள உள்ளார். வரும் 22ம் தேதி பிரான்ஸ் செல்லும் அவர் அந்நாட்டு அதிபர் மேக்ரானை சந்தித்து பேச உள்ளார்.