தேனி: தேனி அருகே வீரபாண்டியில் 25 ஆயிரம் அமமுகவினர், திமுகவில் இணையும் விழா நாளை பிரமாண்டமாக நடக்க உள்ளது. திமுக தலைவர் மு.க.ஸ்டாலின் பங்கேற்க உள்ள இந்த விழாவுக்கான ஏற்பாடு தீவிரமாக நடந்து வருகிறது. அமமுக கொள்கை பரப்பு செயலாளராக இருந்த தங்கத்தமிழ்செல்வன் சமீபத்தில் திமுக தலைவர் மு.க.ஸ்டாலின் முன்னிலையில் திமுகவில் இணைந்தார். இவரது ஏற்பாட்டின்பேரில் தேனி மாவட்ட அமமுகவினர் திமுகவில் இணையும் விழா நாளை (ஜூலை 21) நடைபெறுகிறது. இதற்காக தேனி அருகே வீரபாண்டியில் தேனி - கம்பம் சாலையில் தனியார் கல்லூரி எதிரே பிரமாண்ட மேடை அமைக்கும் பணி தீவிரமாக நடந்து வருகிறது.