திருவனந்தபுரம்: கேரளாவில் பெய்து வரும் கனமழையால் பம்பை ஆற்றில் வெள்ளப்பெருக்கு ஏற்பட்டு. பெரும்பாலான கடைகள் தண்ணீரில் மூழ்கின. கேரளாவில் வழக்கமாக ஜூன் முதல் செப்டம்பர் வரை 4 மாதங்கள் தென்மேற்கு பருவமழை பெய்யும். கடந்த வருடம் ஆகஸ்ட் மாதம் வரலாறு காணாத பலத்த மழை பெய்தது. ஆனால், இவ்வருடம் ஜூன் 2வது வாரத்தில் தான் பருவமழை தொடங்கியது. கடந்த ஒன்றரை மாதத்தில் வழக்கமாக பெய்ததை விட 40 சதவீதம் குறைவாகவே மழை அளவு இருந்தது. இந்நிலையில், கடந்த சில தினங்களாக பாலக்காடு, கண்ணூர் உள்பட சில மாவட்டங்களில் பருவமழை தீவிரமடைந்துள்ளது. வடமேற்கு திசையில் இருந்து கேரளா, லட்சத்தீவை நோக்கி மணிக்கு 50 கிலோ மீட்டர் வேகத்தில் காற்று வீசக்கூடும் என்பதால் மீனவர்கள் கடலுக்கு செல்ல வேண்டாம் என அறிவுறுத்தப்பட்டுள்ளனர்.