குமரி: கன்னியாகுமரி மாவட்டத்தின் பல இடங்களில் பரவலாக மழை பெய்து வருகிறது. மேலும், அங்கு கடல் சீற்றத்துடன் காணப்படுவதால், சின்னமுட்டம் பகுதி மீனவர்கள் கடலுக்கு செல்லவில்லை. இந்த நிலையில், ஆழ்கடலில் 2 நாட்களுக்கு காற்றின் வேகம் 60 கி,மீ. வரை இருக்கும் என மீன்வளத்துறை எச்சரிக்கை விடுத்துள்ளது. மீன்வளத்துறை எச்சரிக்கையை அடுத்து சின்னமுட்டத்தில் 300-க்கும் மேற்பட்ட விசைப்படகு மீனவர்கள் கடலுக்கு செல்லவில்லை. வளிமண்டலத்தின் கீழ் அடுக்கில் வட தமிழகம் முதல் தென் தமிழகம் வரை உள்மாவட்டங்களில் குறைந்த காற்றழுத்த தாழ்வு நிலை உருவாகியுள்ளது. இதனால் அடுத்த 2 நாட்களுக்கு தமிழகத்தின் பல இடங்களில் மழை பெய்யும் எனவும் சென்னை வானிலை ஆய்வு மையம் அறிவித்திருந்தது.