பல்லாவரம்: பல்லாவரம் அடுத்த பம்மல் பகுதியில் பணம் கொடுக்கல் வாங்கல் தகராறில் மைத்துனரை அக்கா கணவரே கத்தியால் குத்திக்கொலை செய்தார். பொழிச்சலூர், அப்துல் கலாம் தெருவை சேர்ந்தவர் முகமதுஅலீம் (37). இவர், அதே பகுதியை சேர்ந்த சித்திசாய்னுரியா என்ற பெண்ணை திருமணம் செய்துள்ளார். கடந்த இரண்டு மாதத்திற்கு முன்பாக முகமது அலீம் தனது மாமியார் சாயென்பு என்பவருக்கு ₹1 லட்சம் கடனாக கொடுத்துள்ளார். அந்த பணத்தை முகமது அலீம் பலமுறை கேட்டும் சாயென்பு காலம் கடத்தி வந்துள்ளார். இதனால் ஆத்திரம் அடைந்த முகமது அலீம் நேற்று முன்தினம் இரவு சாயென்பு வீட்டிற்கு சென்று அவரை ஆபாசமாக திட்டிவிட்டு பம்மல் நல்லதம்பி சாலை ஆட்டோ நிறுத்தம் அருகே வந்து கொண்டிருந்தார். அவரை பின் தொடர்ந்து வந்த அவரது மனைவியின் தம்பியும், சாயென்புவின் மகனுமான ஒசாமா காதர் (19) என்பவர், ‘‘எப்படி எனது அம்மாவை ஆபாசமாக திட்டலாம்?’’ என்று கூறி, முகமது அலீமிடம் தகராறில் ஈடுபட்டார். ஒரு கட்டத்தில் இருவருக்கும் வாக்குவாதம் முற்றி கைகலப்பானது.