மீனம்பாக்கம்: இலங்கையில் இருந்து ஸ்ரீலங்கன் ஏர்லைன்ஸ் பயணிகள் விமானம் நேற்று காலை 8.30 மணிக்கு சென்னை சர்வதேச விமான நிலையத்திற்கு வந்தது. அதில் வந்த பயணிகளை விமான நிலைய சுங்கத்துறை அதிகாரிகள் சோதனையிட்டனர். அப்போது இலங்கையை சேர்ந்த குகப்பிரியா (31), சுபாஷினா (39), நாகேஸ்வரி (43), அஸ்ரா (41) ஆகிய 4 பெண்கள் ஒரு குழுவாக இலங்கைக்கு சுற்றுலா பயணியாக சென்று விட்டு சென்னைக்கு திரும்பி வந்தனர். இவர்கள் மீது அதிகாரிகளுக்கு சந்தேகம் ஏற்பட்டது. அவர்களை நிறுத்தி விசாரணை நடத்தினர். அவர்கள் முன்னுக்குப்பின் முரணாக பதில் கூறினர். இதையடுத்து சுங்க அதிகாரிகள் இவர்கள் வைத்திருந்த கைப்பைகளை சோதனையிட்டனர். அவற்றில் கொத்து, கொத்தாக தங்க செயின்கள் மறைத்து வைத்திருந்ததை கண்டு பிடித்தனர். அவைகளை பறிமுதல் செய்தனர்.