மாட்ரிட்: ஸ்பெயினில் நடைபெற்ற மாட்ரிட் ஓபன் டென்னிஸ் தொடரின் ஆண்கள் ஒற்றையர் பிரிவில் நம்பர் 1 வீரர் நோவாக் ஜோகோவிச் (செர்பியா) சாம்பியன் பட்டம் வென்றார். இறுதிப் போட்டியில் கிரீஸ் வீரர் ஸ்டெபனாஸ் சிட்சிபாஸுடன் (9வது ரேங்க்) மோதிய ஜோகோவிச் 6-3, 6-4 என்ற நேர் செட்களில் வென்று 3வது முறையாக மாட்ரிட் ஓபனில் கோப்பையை முத்தமிட்டார். முன்னதாக அவர் 2011 மற்றும் 2016ல் இங்கு பட்டம் வென்றிருந்தார்.