கொல்கத்தா : மேற்கு வங்க முதலமைச்சர் மம்தா பானர்ஜியின் வாழ்க்கை வரலாற்று திரைப்படத்தின் டிரைலரை இணையத்தில் இருந்து நீக்க தேர்தல் ஆணையம் உத்தரவிட்டுள்ளது. மம்தா பானர்ஜியின் வாழ்க்கையை மையமாக வைத்து பாகினி-பெங்கால் டைக்கிரஸ் என்ற பெங்காலி திரைப்படம் உருவாக்கப்பட்டுள்ளது. நேஹல் தத்தா என்பவர் இயக்கியிருக்கும் இந்த திரைப்படத்தில் ரூமா சக்கரபோர்த்தி என்பவர் மம்தா கதாபாத்திரத்தில் நடித்துள்ளார். இந்த திரைப்படம் அடுத்த மாதம் 3ம் தேதி வெளியாகும் என்று அறிவிக்கப்பட்டிருந்தது.
இதனையடுத்து நாடாளுமன்ற தேர்தல் முடியும் வரை இந்த திரைப்படத்தை வெளியிட உத்தரவிட கூடாது என்று பா.ஜ.க சார்பில் தேர்தல் ஆணையத்தில் மனு அளித்தனர். இதுகுறித்து விசாரணை நடத்திய தேர்தல் ஆணையம், மேற்கு வங்க தேர்தல் கமிஷன் படத்துக்கு தடை விதிக்கலாமா அல்லது வேண்டாமா என்பது குறித்து விளக்கம் அளிக்க உத்தரவிட்டிருந்தது. இந்நிலையில் பாகினி திரைப்படத்தின் டிரைலரை இணையத்தில் இருந்து நீக்க வேண்டும் என்று தேர்தல் ஆணையம் அப்படத்தின் தயாரிப்பு நிறுவனத்திற்கு உத்தரவிட்டுள்ளது.
பொருத்தமான வரன்கள் உங்கள் சமூகத்தில், பதிவு இலவசம்! - தமிழ் மேட்ரிமோனி
மம்தா பானர்ஜியின் வாழ்க்கை வரலாற்று திரைப்பட டிரைலரை இணையத்தில் நீக்க தேர்தல் ஆணையம் உத்தரவு!
02:19 pm Apr 24, 2019 |
