சாத்தான்குளம்: சாத்தான்குளம் அருகே கொம்மடிக்கோட்டை அனுக்கிரகபுரம் கிராமத்தைச் சேர்ந்த துரைராஜ் மகள் எமி (49). இவர் சிவகாசி, சிங்கம்-2 மற்றும் இங்கிலீஸ்காரன், கயல் உள்ளிட்ட படங்களில் துணை வேடங்களில் நடித்துள்ளார். முன்னாள் மாவட்ட கவுன்சிலர். சமூக சேவைகளிலும் ஈடுபட்டு வருகிறார். சாத்தான்குளம் பகுதியில் மணல் கடத்தலில் ஈடுபடுபவர்கள் மீது நடவடிக்கை எடுக்கக்கோரி கலெக்டர், தாசில்தார் மற்றும் உயரதிகாரிகளிடம் புகார் அளித்துள்ளார்.இந்நிலையில் நேற்று முன்தினம் மாலை எமி வீட்டில் இருந்தபோது அங்கு வந்த 4 பேர் கும்பல், சோடா பாட்டில்களை வீசி ரகளையில் ஈடுபட்டனர். இதனை தட்டிக்கேட்ட எமியை அந்த கும்பல் அவதூறாக பேசி கொலைமிரட்டல் விடுத்து அங்கிருந்து தப்பிச் சென்றனர். இதுகுறித்து எமி அளித்த புகாரின்பேரில் சாத்தான்குளம் போலீசார் வழக்கு பதிந்து ரகளை மற்றும் கொலை மிரட்டல் விடுத்த சுகந்தராஜா உட்பட 4 பேரை தேடி வருகின்றார்.