கடந்த ஆண்டு பாரிஸ் மோட்டார் ஷோவில் மெர்சிடிஸ் ஏஎம்ஜி ஏ35 ஹேட்ச்பேக் ரக கார் அறிமுகம் செய்யப்பட்டது. இதன் அடிப்படையிலான மெர்சிடிஸ் ஏஎம்ஜி ஏ35 செடான் கார் தற்போது வெளியிடப்பட்டுள்ளது. இந்த காரில் 7 ஸ்பீடு டியூவல் கிளட்ச் ஆட்டோமேட்டிக் கியர்பாக்ஸ் மூலமாக காரின் நான்கு சக்கரங்களுக்கும் இன்ஜின் சக்தி கடத்தப்படுகிறது. இந்த ஆல் வீல் டிரைவ் சிஸ்டம் மூலமாக, இந்த கார் 0-100 கி.மீ என்ற வேகத்தை வெறும் 4.8 வினாடிகளில் எட்டிவிடும். அதிகபட்சமாக மணிக்கு 250 கிமீ வேகம் வரை செல்லும் விதத்தில் கட்டுப்படுத்தப்பட்டுள்ளது. இந்த காரில் 5 விதமான டிரைவிங் மோடு வழங்கப்பட்டுள்ளன.இந்த காரின் முன்சக்கரங்களில் 4 பிஸ்டன் காலிபர்களுடன் 350 மிமீ விட்டமுடைய டிஸ்க் பிரேக்குகளும், பின்சக்கரங்களில் சிங்கிள் பிஸ்டன் காலிபர் பொருத்தப்பட்ட 330 மிமீ டிஸ்க் பிரேக்குகளும் உள்ளன.