மொனாக்கோ: இந்தியாவை சேர்ந்த யுவா என்று அமைப்பிற்கு லாரெஸ் உலக விளையாட்டு அகாடமி விருது வழங்கப்பட்டுள்ளது. 2009ம் ஆண்டு முதல் ஜார்கண்டில் கால்பந்து வீராங்கணைகளை அடையாளம் கண்டு பயிற்சி அளிக்கும் யுவா அமைப்பிற்கு விளையாட்டிற்கான நல்லெண்ண விருது வழங்கப்பட்டது. அந்த அமைப்பால் அடையாளம் காட்டப்பட்ட ஹேமா, நீத்தா, ராதா, கோனிகா ஆகியோர் விருதை பெற்றுக்கொண்டனர். ஒவ்வொரு ஆண்டும் விளையாட்டுத் துறையில் சிறப்பாக செயல்படும் வீரர், வீராங்கனைகள், அணிகள், அமைப்புகள் ஆகியவற்றுக்கு உயரிய விருதான லாரெஸ் விருது வழங்கப்பட்டு வருகிறது. கடந்த ஆண்டில் சிறப்பாக செயல்பட்டவர்களுக்கான விருது வழங்கும் விழா மொனாக்கோவில் நேற்று முன்தினம் இரவு நடைபெற்றது.