புதுடெல்லி: மாநில அரசு நடத்தும் லாட்டரிகளுக்கு 12 சதவீத ஜிஎஸ்டி, மாநில அரசால் அங்கீகரிக்கப்பட்ட தனியார் லாட்டரிகளுக்கு 28 சதவீத ஜிஎஸ்டி விதிக்கப்படுகிறது. இவற்றுக்கு ஒரே ஜிஎஸ்டியை விதிப்பது தொடர்பாக மகாராஷ்டிரா நிதியமைச்சர் சுதிர் முங்கண்டிவார் உள்ளிட்ட 8 அமைச்சர்கள் குழு அமைக்கப்பட்டது. லாட்டரிகளுக்கு ஒரே ஜிஎஸ்டி விதிக்க இந்த குழு ஒப்புதல் அளித்துள்ளது. இதுதொடர்பாக நாளை நடைபெற உள்ள ஜிஎஸ்டி கவுன்சில் கூட்டத்தில் முடிவு செய்யப்பட உள்ளதாக அதிகாரிகள் தெரிவித்தனர்.