மெல்போர்ன்: ஆஸ்திரேலியாவில் நடைபெறும் பிக் பாஷ் டி20 லீக் தொடரின் இறுதிப் போட்டியில் விளையாட, மெல்போர்ன் ரெனகேட்ஸ் அணி தகுதி பெற்றது. னெல்போர்ன், டாக்லேண்ட்ஸ் ஸ்டேடியத்தில் நேற்று நடந்த 2வது அரை இறுதியில் மெல்போர்ன் ரெனகேட்ஸ் - சிட்னி சிக்சர்ஸ் அணிகள் மோதின. டாசில் வென்ற ரெனகேட்ஸ் முதலில் பந்துவீசியது. சிட்னி சிக்சர்ஸ் 20 ஓவரில் 3 விக்கெட் இழப்புக்கு 180 ரன் குவித்தது. தொடக்க வீரர்கள் ஜோஷ் பிலிப் 52 ரன் (31 பந்து, 7 பவுண்டரி, 1 சிக்சர்), டேனியல் ஹியூஸ் 52 ரன் (32 பந்து, 4 பவுண்டரி, 2 சிக்சர்) விளாசினர். ஜேம்ஸ் வின்ஸ் 28 ரன் எடுத்தார். ஜேப்டன் மோய்சஸ் ஹென்ரிக்ஸ் 28 ரன், ஜார்டன் சில்க் 17 ரன்னுடன் (7 பந்து, 1 பவுண்டரி, 1 சிக்சர்) ஆட்டமிழக்காமல் இருந்தனர். அடுத்து களமிறங்கிய மெல்போர்ன் ரெனகேட்ஸ் 19.5 ஓவரில் 7 விக்கெட் இழப்புக்கு 184 ரன் எடுத்து வென்றது.