சென்னை: கிராமசபை கூட்டம் நடத்தி பலத்தை நிரூபிக்க பாஜக தயாரா என்று முத்தரசன் கேள்வியெழுப்பியுள்ளார். முடிந்தால் பாஜக கிராம சபை கூட்டம் நடத்தட்டும்; பாஜக பலத்தை பொன்.ராதாகிருஷ்ணன் பார்க்க வேண்டும் என்று அவர் கூறியுள்ளார். குட்டி ஜப்பான் என பெயர் பெற்ற சிவகாசி தற்போது குப்பை ஜப்பானாக மாறிவிட்டதாகவும், தோல்வியடைந்து விடுவோம் என்ற அச்சத்தினால் உள்ளாட்சி தேர்தல் நடத்த அரசுக்கு அச்சம் எனவும் அவர் கூறியுள்ளார். மேலும், தமிழக மக்கள் மீது அக்கறை இருந்தால் மத்திய அரசை வலியுறுத்தி தமிழிசை நிவாரண நிதி வாங்கித் தந்திருக்கலாம் எனவும் முத்தரசன் கூறியுள்ளார்.