கோவை: தமிழகத்தில் பாரதிய ஜனதா கட்சி காலூன்ற அதிமுக எப்போதும் உதவி செய்யாது என்று மக்களவை துணை சபாநாயகர் தம்பிதுரை தெரிவித்துள்ளார். கோவை மாவட்டம் அவிநாசியில் எம்.ஜி.ஆர். 102 பிறந்த நாள் விழாவில் பங்கேற்ற அவர் செய்தியாளர்களை சந்தித்தார். அப்போது பேசிய பாரதிய ஜனதா தமிழகத்தில் காலூன்ற வைக்க அதிமுகவுடன் கூட்டணி அமைக்க வேண்டும் என்று சிலர் கூறுவது வேடிக்கையாக உள்ளது என்றார்.