உலக கோப்பை ஹாக்கி: கால் இறுதியில் இந்தியா

புவனேஸ்வர் : உலக கோப்பை ஆண்கள் ஹாக்கி போட்டித் தொடரின் கால் இறுதியில் விளையாட இந்திய அணி நேரடியாகத் தகுதி பெற்றது. சி பிரிவில் இடம் பெற்றிருந்த இந்திய அணி, முதல் லீக் ஆட்டத்தில் தென் ஆப்ரிக்காவை 5-1 என்ற கோல் கணக்கில் வீழ்த்தியது. அடுத்து பெல்ஜியத்துக்கு எதிராக 2-2 என்ற கோல் கணக்கில் டிரா செய்தது. இந்த நிலையில், தனது கடைசி லீக் ஆட்டத்தில் கனடா அணியுடன் நேற்று மோதிய இந்தியா 5-1 என அபாரமாக வென்று மொத்தம் 7 புள்ளிகளுடன் முதலிடம் பிடித்ததுடன், கால் இறுதிக்கு நேரடியாக முன்னேறியது. ஹர்மான்பிரீத் 2, சிங்லென்சனா, லலித், அமித் தலா 1 கோல் போட்டனர். கனடா சார்பில் புளோரிஸ் வான் சன் ஆறுதல் கோல் போட்டார். முன்னதாக, தென் ஆப்ரிக்காவை 5-1 என வீழ்த்திய பெல்ஜியம் அணி (7 புள்ளி) கோல் வித்தியாச அடிப்படையில் 2வது இடம் பிடித்ததால் கிராஸ் ஓவர் சுற்றில் விளையாட வேண்டிய கட்டாயத்துக்கு தள்ளப்பட்டது. 3வது இடம் பிடித்த கனடா அணியும் (1 புள்ளி) கிராஸ் ஓவர் சுற்றில் விளையாடும் நிலையில், தென் ஆப்ரிக்கா (1) வெளியேற்றப்பட்டது.



பொருத்தமான வரன்கள் உங்கள் சமூகத்தில், பதிவு இலவசம்! - தமிழ் மேட்ரிமோனி