மதுரை: கார்த்திகை தீபத்திருநாள் அகல் விளக்குகள் விற்பனை, மதுரையில் விறுவிறுப்பாக நடந்து வருகிறது.கார்த்திகை தீபத்திருநாளின் போது, கோயில்கள் மற்றும் வீடுகளில் அகல் விளக்குகள் ஏற்றி இறைவனை வழிபடுகின்றனர். இந்த ஆண்டு கார்த்திகை தீபத் திருநாள் வரும் 23ம் தேதி கொண்டாடப்படுகிறது. இதையடுத்து மதுரையில் தற்போது அகல் விளக்குகள் விற்பனை விறுவிறுப்பாக நடந்து வருகிறது. மதுரையில் மாட்டுத்தாவணி, பெத்தானியபுரம் மற்றும் புறநகர் பகுதிகளில் அகல் விளக்குகளை தயாரிக்கும் பணி நடந்து வருகிறது. கார்த்திகை திருநாளுக்கு இன்னும் 4 நாட்களே உள்ளதால், மண்ணால் தயாரிக்கப்பட்ட அகல் விளக்குகள் மாசி வீதிகள் உட்பட நகரின் பல்வேறு பகுதிகளில் விற்பனைக்காக குவித்து வைக்கப்பட்டுள்ளன.