புதுடெல்லி: மகளிர் குத்துச்சண்டை உலக சாம்பியன்ஷிப் தொடரின் 48 கிலோ லைட்வெயிட் பிரிவு கால் இறுதியில் விளையாட இந்தியாவின் நட்சத்திர வீராங்கனை மேரி கோம் தகுதி பெற்றார். கால் இறுதிக்கு முந்தைய சுற்றில் கஜகஸ்தானின் அய்ஜெரிம் கஸனயேவாவுடன் நேற்று மோதிய மேரி கோம் 5-0 என்ற புள்ளிக் கணக்கில் அபாரமாக வென்றார். இந்த ஆண்டு நடந்த காமன்வெல்த் போட்டித் தொடரில் தங்கப் பதக்கம் வென்றுள்ள கோம், 6வது முறையாக உலக சாம்பியன் பட்டம் வெல்லும் வாய்ப்பை தக்கவைத்திருப்பது இந்திய ரசிகர்களை உற்சாகத்தில் ஆழ்த்தியுள்ளது.