பெரு: கூகுள் மேப்பில் தன் மனைவி வேறொருவருடன் நெருக்கமாக இருந்த புகைப்படத்தை பார்த்த கணவன் மனைவியிடம் சண்டையிட்டு விவாகரத்து வாங்கிய சம்பவம் பெரும் அதிர்ச்சியை ஏற்படுத்தியுள்ளது. பெருவை சேர்ந்த நபர் ஒருவர் லிமா நகரத்தில் உள்ள ஒரு இடத்திற்கு செல்ல வழி தெரியாத காரணத்தால் கூகுள் மேப்பில் வழி தேடியுள்ளார். கூகுள் மேப் சொன்ன வழியில் பயணித்துக்கொண்டிருந்த போது கூகுள் மேப்பில் புகைப்படம் ஒன்றை பார்த்துள்ளார். அந்த புகைப்படத்தில் ஒரு ஆண் ஒரு பெண்ணின் மடியில் படுத்திருப்பது போல் இடம்பெற்றிருந்தது. அதை உற்று கவனித்த அந்த நபர் அந்த புகைப்படத்தில் இடம்பெற்றுள்ள பெண் தன் மனைவி என்பதை கண்டறிந்தார்.