புதுடெல்லி: டெல்லி திகார் சிறையில் கைதிகள் மீது தாக்குதல் நடத்தியது தொடர்பாக தமிழ்நாடு போலீசுக்கு நோட்டீஸ் அனுப்ப உயர் நீதிமன்றம் உத்தரவிட்டுள்ளது. டெல்லி திகார் சிறையில் கைதிகள் இடையே நடந்த மோதலை கட்டுப்படுத்த தமிழ்நாடு சிறப்பு படை போலீசார் தடியடி நடத்தினார்கள். இதில் 15 கைதிகள் படுகாயம் அடைந்தனர். இதுதொடர்பாக டெல்லி உயர் நீதிமன்றத்தில் வழக்கு தொடரப்பட்டது. அந்த வழக்கில் தமிழ்நாடு சிறப்பு படை போலீசார் மனித உரிமையை மீறி கைதிகள் மீது தாக்குதல் நடத்தினார்கள் என்று கூறப்பட்டு இருந்தது. இந்த பொதுநல வழக்கை டெல்லி உயர் நீதிமன்ற தலைமை நீதிபதி ராஜேந்திர மேனன், நீதிபதி வி.கே.ராவ் அடங்கிய அமர்வு நேற்று விசாரித்தது.