சென்னை: சைதாப்பேட்டை - கிண்டி இடையே நேற்று ரயில் பாதையை கடக்க முயன்றபோது, புறநகர் மின்சார ரயில் மோதியதில் 2 பேர் சம்பவ இடத்திலேயே பலியாகினர். சென்னை கடற்கரையில் இருந்து செங்கல்பட்டு நோக்கி நேற்று காலை புறநகர் மின்சார ரயில் புறப்பட்டது. அந்த ரயில் சைதாப்பேட்டை-கிண்டி இடையே வந்தபோது ரயில் பாதையை கடந்து சென்ற இரண்டு பேர் மீது ரயில் மோதியதில் இருவரும் சம்பவ இடத்திலேயே உயிரிழந்தனர். இதனால் அங்கு சில நிமிடங்கள் ரயில் போக்குவரத்து நிறுத்தப்பட்டது. தகவலறிந்து வந்த ரயில்வே பாதுகாப்பு அதிகாரிகள் மற்றும் போலீசார் இறந்தவர்களின் சடலங்களை கைப்பற்றி ராயப்பேட்டை அரசு மருத்துவமனைக்கு பிரேத பரிசோதனைக்காக அனுப்பிைவத்தனர். முதற்கட்ட விசாரணையில், விபத்தில் சிக்கி இறந்தவர்களில் ஒருவர் தி.நகரை சேர்ந்த செல்லப்பா என்பவரின் மகன் சந்திரசேகர் (33) என்பது தெரியவந்துள்ளது. மற்றொரு நபரின் அடையாளம் தெரியவில்ைல. அவர் யார், எதற்காக இவர்கள் ரயில்பாதையை கடந்து சென்றார்கள் என்று ரயில்வே போலீசார் விசாரணை நடத்தி வருகின்றனர்.