சவுதி: சவுதி அரேபியாவில் முதல் முறையாக பெண் செய்தி வாசிப்பாளராக வீம் அல் தஹீல் என்பவர் நியமிக்கப்பட்டுள்ளார். சவுதி அரேபியாவில் பல்வேறு கட்டுப்பாடுகள் உள்ளன. குறிப்பாக பெண்களுக்கு அதிக அளவிலான கட்டுப்பாடுகள் உள்ளன. இந்நிலையில், பட்டத்து இளவரசர் முகமது பின் சல்மான் ஆட்சிப் பொறுப்பேற்ற பிறகு, ‘விஷன் 2030’ என்ற பெயரில் சவுதி சமூகத்தை நவீனமாக்கும் வகையில் பல்வேறு திட்டங்களை செயல்படுத்தி வருகிறார். இதில், பெண்களுக்கு வாகனங்கள் ஓட்ட அனுமதி, திரையரங்குகளை செயல்படுத்தியது உள்ளிட்ட பல்வேறு திட்டங்கள் உலக நாடுகளிடையே வரவேற்பை பெற்று வருகின்றன.