சென்னை: பெட்ரோல், டீசல் விலை உயர்வை கண்டித்து ஐஓசி அலுவலகத்தை முற்றுகையிட்ட தமாகாவினர் கைது செய்யப்பட்டனர். பெட்ரோல், டீசல் விலை உயர்வை கண்டித்து தமாகா இளைஞரணி சார்பில் அண்ணா மேம்பாலம் அருகே உள்ள ஐஓசி தலைமை அலுவலகத்தை முற்றுகையிடும் போராட்டம் நேற்று நடந்தது. போராட்டத்துக்கு, தமாகா இளைஞரணி தலைவர் யுவராஜா தலைமை வகித்தார். மத்திய சென்னை மாவட்ட தலைவர் அண்ணாநகர் ராம்குமார், இளைஞரணி தலைவர்கள் ஜெயம் ஜெ.கக்கன், கார்த்திக் உட்பட 200க்கும் மேற்பட்டோர் கலந்து கொண்டனர். அண்ணா மேம்பாலம் அருகே ஒன்று திரண்ட அவர்கள் ஐஓசி தலைமை அலுவலகத்தை முற்றுகையிட சென்ற போது போலீர் அவர்களை தடுத்து நிறுத்தி கைது செய்தனர். பின்னர் அருகில் உள்ள சமூக நலக்கூடத்தில் அடைத்து வைத்தனர்.போராட்டத்தின் போது, யுவராஜா நிருபர்களிடம் கூறியதாவது: மத்தியில் மோடி அரசு பொறுப்பேற்ற பின்பு தொடர்ந்து மக்கள் விரோத அரசாக செயல்படுகிறது.