நாகர்கோவில்: நாகர்கோவில் மாநகராட்சியாக தரம் உயர்த்தப்படும் என முதல்வர் எடப்பாடி பழனிச்சாமி அறிவித்துள்ளார். நாகர்கோவிலில் நடைபெற்ற எம்.ஜி.ஆர். நூற்றாண்டு விழாவில் முதல்வர் பழனிச்சாமி இதனை அறிவித்தார். ஏற்கனவே 12 மாநகராட்சி இருக்கும் நிலையில் நாகர்கோவில் நகராட்சி மாநகராட்சியாக தரம் உயர்த்தப்பட உள்ளது குறிப்பிடத்தக்கது. கன்னியாகுமரி அரசு மருத்துவக் கல்லூரியில் 100 இடங்கள் 150 இடங்களாக அதிகரிக்கப்பட்டுள்ளது. ஒக்கி புயலில் இறந்த மற்றும் காணாமல் போன மீனவர்களின் குடும்பத்தில் ஒருவருக்கு அரசு வேலை வழங்கப்பட்டுள்ளது. ஒக்கி புயலால் பாதிக்கப்பட்டபோது, கன்னியாகுமரிக்கு மின் வசதிகள் உடனடியாக வழங்கப்பட்டது.