சாம்பியன்ஸ் லீக் கால்பந்து போட்டித் தொடரின் பி பிரிவில் இடம் பெற்றுள்ள பார்சிலோனா அணி, தனது முதல் லீக் ஆட்டத்தில் பிஎஸ்வி எய்ந்தோவன் அணியுடன் மோதியது. இதில் முழுமையாக ஆதிக்கம் செலுத்திய பார்சிலோனா அணி 4-0 என்ற கோல் கணக்கில் அபாரமாக வென்றது. அந்த அணியின் கேப்டன் லியோனல் மெஸ்ஸி ஹாட்ரிக் கோல் போட்டு (31வது, 77வது மற்றும் 87வது நிமிடம்) அசத்தினார். இது அவரது 48வது ஹாட்ரிக் ஆகும். டெம்பெலி 74வது நிமிடத்தில் கோல் அடித்தார்.