சென்னை: கூட்டுறவு வங்கி பணியாளர்களின் போராட்டத்தை தமிழக அரசு முடிவுக்கு கொண்டு வர வேண்டும் என்று அன்புமணி வலியுறுத்தியுள்ளார். பாமக இளைஞரணி தலைவர் அன்புமணி நேற்று வெளிட்டுள்ள அறிக்கையில் கூறியிருப்பதாவது:
தொடக்க வேளாண் கூட்டுறவு வங்கிகள் நடத்தும் போராட்டம் அவர்களுக்கான கோரிக்கைகள் சம்பந்தப்பட்டதில்லை. மாறாக கூட்டுறவு வங்கிகளின் எதிர்கால நலன் சார்ந்தது என்பதை அரசு உணர வேண்டும். பயிர் கடன் பெறும் விவசாயிகள் கடன் தொகையில் 30 விழுக்காட்டுக்கு உரம் வாங்க வேண்டும் என்ற கட்டுப்பாட்டை ரத்து செய்ய வேண்டும்; சிறு வணிக கடன் தொகையை ரூ.5 ஆயிரத்தில் இருந்து ரூ.25 ஆயிரமாக உயர்த்த வேண்டும் ஆகிய கோரிக்கைகளை வலியுறுத்தி கூட்டுறவு வங்கிகளின் பணியாளர்கள் கடன் மறுப்பு போராட்டம் நடத்தி வருகின்றனர்.