மும்பை: புல்லட் ரயில் திட்டத்துக்கு நிதிவழங்காமல் நிறுத்திவைக்கக் கோரி ஜப்பான் அரசுக்குக் குஜராத் விவசாயிகள் ஆயிரத்துக்கு மேற்பட்டோர் கடிதம் எழுதியுள்ளனர். மும்பை - அகமதாபாத் இடையே 508 கிலோமீட்டர் தொலைவுக்கு ரயில்பாதை அமைத்துப் புல்லட் ரயில் இயக்கத் திட்டமிடப்பட்டுள்ளது. இந்தத் திட்டத்துக்காக ஜப்பான் அரசு ஒரு இலட்சத்துப் பத்தாயிரம் கோடி ரூபாய் கடன் வழங்குகிறது. இந்தத் திட்டத்துக்காக மகாராஷ்டிரத்தில் ஆயிரத்து 120 எக்டேர் நிலமும், குஜராத்தில் ஆயிரத்து நானூறு எக்டேர் நிலமும் கையகப்படுத்தப்பட உள்ளன.