ஆஸ்திரேலிய கிரிக்கெட் அணி முன்னாள் கேப்டன் ஸ்டீவ் ஸ்மித் (29 வயது), தனது நீண்ட நாள் காதலியான டானி வில்லிசை திருமணம் செய்து கொண்டுள்ளார். பந்தை சேதப்படுத்திய சர்ச்சையில் சிக்கியதால் ஸ்மித்துக்கு ஓராண்டு தடை விதிக்கப்பட்டுள்ள நிலையில், நியூசவுத் வேல்சில் நேற்று முன்தினம் திருமணம் நடைபெற்றது. இதில் ஆஸி. அணி வீரர்கள் ஆரோன் பிஞ்ச், உஸ்மான் கவாஜா, நாதன் லயன், மிட்செல் ஸ்டார்க், பேட் கம்மின்ஸ், ஹென்ரிக்ஸ் உட்பட நெருங்கிய உறவினர்கள் மற்றும் நண்பர்கள் பங்கேற்று புதுமனத் தம்பதியரை வாழ்த்தினர்.