சிங்கப்பூர் கிராண்ட் பிரீ பார்முலா 1 கார் பந்தயத்தில் மெர்சிடிஸ் அணி நட்சத்திர வீரர் லூயிஸ் ஹாமில்டன் சாம்பியன் பட்டம் வென்றார். நடப்பு சீசனின் 15வது பந்தயமான இதில் அபாரமாக செயல்பட்ட ஹாமில்டன் 1 மணி, 51 நிமிடம், 11.611 விநாடியில் 61 சுற்றுகளை பூர்த்தி செய்து முதலிடம் பிடித்தார். அவருக்கு 25 புள்ளிகள் கிடைத்தன. ரெட் புல் ரேசிங் வீரர் மேக்ஸ் வெர்ஸ்டாப்பன் (+8.961 விநாடி) 2வது இடமும், பெராரி அணியின் செபாஸ்டியன் வெட்டல் (+39.945 விநாடி) 3வது இடமும் பிடித்தனர்.