சென்னை: தமிழில் அர்ஜூன் நடித்த ‘பாட்டாளி மகன்’, ‘மாசி’, கார்த்திக் நடித்த ‘விக்னேஷ்வர்’, ‘மிஸ்டர் மகாராணி’ ஆகிய படங்களை தயாரித்தவர், கோவை மணி (69). இவர், நடிகர் அர்ஜூன் மேனேஜராகவும் பணியாற்றினார். சில மாதங்களாக வயிற்று வலி காரணமாக கடுமையாக பாதிக்கப்பட்டு இருந்த கோவை மணி, சிகிச்சைக்காக சென்னையிலுள்ள தனியார் மருத்துவமனையில் அனுமதிக்கப்பட்டார். இந்நிலையில், சிகிச்சை பலனின்றி நேற்று அதிகாலை திடீரென்று அவர் மரணம் அடைந்தார். கோவை மணிக்கு மனைவி, மகள் இருக்கின்றனர். இன்று காலை கோவை மணியின் இறுதிச்சடங்கு நடக்கிறது.
