புதுமுகங்கள் நடிக்கும் கோகினூர்

சென்னை: எஸ்.பி.ஜி சினிமாஸ் சார்பில் ராஜம் ஆர்.இ.கஜேந்திரா கதை, வசனம் எழுதி தயாரித்திருக்கும் படம், ‘கோகினூர்’. இதை ‘அலையோடு விளையாடு’ படத்தை தயாரித்த பகவான் பாவேந்தர் திரைக்கதை எழுதி இயக்கியுள்ளார். ஜீவா, நவீன், ஹிமா, தனு பிரசாத், பாவனா, ருத்ராஜ், மாதவ், மகாலட்சுமி, தீரன் தியாகராஜன், ரவி நடித்துள்ளனர்.

ராஜா சிவசங்கர் ஒளிப்பதிவு செய்ய, டி.எஸ்.திவாகர் இசையில் பகவான் பாவேந்தர், டி.எஸ்.திவாகர் பாடல்கள் எழுதியுள்ளனர். கிஷோர் நடனப் பயிற்சி அளிக்க, சுப்ரீம் சுப்பு சண்டைக் காட்சி அமைத்துள்ளார். ஜி.பிரியதர்ஷன் தயாரிப்பு செய்துள்ளார். கோகினூர் வைரத்தை பற்றிய வரலாற்று பதிவுகளை மையமாக வைத்து, கற்பனை சம்பவங்களால் உருவாக்கப்பட்டுள்ள இப்படத்தின் ஷூட்டிங் மைசூருவில் நடந்தது.