சென்னை: காஷ்மீரில் கடும் குளிர் நிலவுவதால் விஜய் பட ஷூட்டிங்கிலிருந்து திரிஷா திரும்பியுள்ளார். லோகேஷ் கனகராஜ் இயக்கத்தில் விஜய் நடிக்கும் படம் லியோ. அனிருத் இசையமைக்கிறார். மனோஜ் பரமஹம்சா ஒளிப்பதிவு செய்கிறார். லலித்குமார் தயாரிக்கிறார். சஞ்சய் தத், திரிஷா, பிரியா ஆனந்த், அர்ஜுன், மன்சூர் அலிகான், மிஷ்கின், கவுதம் மேனன் உள்பட பலர் நடிக்கிறார்கள். இந்த படத்தின் ஷூட்டிங் கடந்த ஜனவரி மாதம் சென்னையில் நடந்தது. இரண்டாவது ஷெட்யூலுக்காக விஜய், திரிஷா, பிரியா ஆனந்த் உள்பட படக்குழுவினர் காஷ்மீர் சென்றனர்.