டேக் ஓகே புரொடக்ஷன் சார்பில் வெங்கட் ரெட்டி தயாரித்து நடித்திருக்கும் படம் யாரோ. உபாசனா ஹீரோயின். இந்த படத்தை வெங்கட் ரெட்டியின் நண்பர் சந்தீப் சாய் இயக்கி உள்ளார். இருவரும் அமெரிக்காவில் ஒன்றாக ஐடி துறையில் பணியாற்றுகிறவர்கள். கே.பி.பிரபு ஒளிப்பதிவு செய்துள்ளார், ஜோஸ் ஃப்ராங்க்ளின் இசை அமைத்துள்ளார். படம் பற்றி வெங்கட் ரெட்டி கூறியதாவது: எனது நண்பர் சாய் சந்தீப் ஒரு குறும்படம் இயக்கினார். அது எனக்கு மிகவும் பிடித்திருந்தது. எனக்கு ஒரு சினிமா பண்ணித் தர முடியுமா என்று கேட்டேன். அதற்காக அவர் தன் பணியை விட்டுவிட்டு இயக்கி கொடுத்திருக்கிறார்.