பாட வேண்டுமென்றால் படுக்கையை பகிர வேண்டும்; பாடகியிடம் இயக்குனர் பிளாக்மெயில்

மீடூ விவகாரம் திரையுலகில் விட்டகுறை தொட்ட குறையாக தொடர்கிறது. தெலுங்கில் முன்னணி நடிகர்கள் நடித்த பல படங்களில் பாடல்கள் பாடியிருப்பவர் பிரனவி. நடன இயக்குனர் ரகு என்பவரை மணந்தார். பாடல் வாய்ப்பு தருவதற்காக சிலர் தன்னை படுக்கைக்கு அழைத்த சம்பவம் பற்றி பகிரங்கப்படுத்தி உள்ளார் பிரனவி. இதுபற்றி அவர் கூறியது: படங்களில் பாடல் பாடுவதற்கான வாய்ப்புகள் எதிர்பார்த்துக்கொண்டிருந்த நேரம் அது.

பலரும் என்னை படுக்கைக்குத்தான் அழைத்தார்கள். பாடுவதற்கு வாய்ப்பு வேண்டுமென்றால் படுக்கையை பகிர்ந்துகொள்ள வேண்டும் என்று ஒரு சிலர் பிளாக்மெயில்கூட செய்தனர். ஒரு இயக்குனர் ரெக்கார்டிங் ஸ்டுடியோவுக்கு என்னை அழைத்தார். அங்கு சென்றபோது, ‘நீ பாட வேண்டுமென்றால் முதலில் படுக்கையை பகிர்ந்துகொள்ள வேண்டும்’ என்றார்.

எனக்கு உடலெல்லாம் கூசியது. அவரது ஆசைக்கு மறுத்தபோது மீண்டும் மீண்டும் வற்புறுத்தினார். கோபம் அடைந்த நான், ‘செருப்பால் அடிப்பேன்’ என்று கூறிவிட்டு ஸ்டுடியோவிலிருந்து வெளியில் வந்துவிட்டேன்’ என்றார் பிரனவி. யாருடைய இச்சைக்கும் இணங்காத பிரனவி இன்றைக்கு திறமையால் நல்ல பாடகியாக தனக்கென ஒரு இடத்தை பிடித்திருக்கிறாராம்.

Related Stories: