புதுமுக ஹீரோயினை இயக்கும் பாலசந்தர் உதவியாளர்

மறைந்த இயக்குனர் கே.பாலசந்தர் இயக்கிய பல படங்களில் எடிட்டராக பணியாற்றியவர் வஜ்ரவேல் ஆனந்த். இவர், ‘லட்டு- குணமாக சொல்லுங்க’ படத்தை இயக்குகிறார். படம் பற்றி அவர் கூறியதாவது: அம்மா இல்லாத இரட்டையர்களை வளர்த்து ஆளாக்க வேண்டிய பொறுப்புக்குள்ளாகிறார் தந்தை. அவரால் குழந்தைகளை வளர்க்க முடிந்ததா என்பதுடன் குழந்தைகளிடம் எப்படி நடந்து கொள்ள வேண்டும் எதைச் சொன்னாலும் அவர்களிடம் அன்பாக, குணமாக சொல்ல வேண்டும் என்பதையும் சுவாரஸ்யமாக இப்படம் கூறுகிறது. இதில் ஹீரோவாக குணாபாபு நடிக்கிறார்.

இவர் இரும்புத்திரை, தமிழ்படம் 2, தீரன் அதிகாரம் ஒன்று போன்ற படங்களில் நடித்தவர். கேடி என்கிற கருப்புதுரை முக்கிய வேடம் ஏற்கிறார். ஸ்வேதா ஹீரோயினாக அறிமுகமாகிறார். குழந்தை நட்சத்திரங்களாக விஸ்வேஷ்வரன், விக்னேஷ்வரன் நடிக்கின்றனர். அமுதா ஆனந்த் தயாரிப்பு. பி.ராதாகிருஷ்ணன் இணை தயாரிப்பு. சென்னை, ஒகேனக்கல், திருவனந்தபுரம் பகுதிகளில் படப்பிடிப்பு நடக்கிறது. தமிழ், மலையாளம் ஆகிய இருமொழிகளில் இப்படம் உருவாகிறது. இவ்வாறு இயக்குனர் வஜ்ரவேல் ஆனந்த் கூறினார்.

× RELATED 12 உதவி பொறியாளர்களுக்கு பணி நியமன ஆணை